മുള്ളേരിയ: വീട്ടിനകത്ത് കട്ടിലിനടിയില്‍ വില്‍പനക്കായി സൂക്ഷിച്ച 3.240 ലിറ്റര്‍ പുതുച്ചേരി നിര്‍മിത വിദേശമദ്യവുമായി മധ്യവയസ്‌കന്‍ അറസ്റ്റില്‍. കാനത്തൂരിലെ ചെക്കു എന്ന കുഞ്ഞിരാമ(55)നാണ് അറസ്റ്റിലായത്.
ബദിയടുക്ക റെയ്ഞ്ച് എക്‌സൈസ് ഇന്‍സ്‌പെക്ടര്‍ ടി. രഞ്ജിത്ത് ബാബുവിനു ലഭിച്ച രഹസ്യ വിവരത്തെ തുടര്‍ന്നു നടത്തിയ പരിശോധനയിലാണ് കുഞ്ഞിരാമന്റെ വീട്ടിനകത്തെ കട്ടിലിനടിയില്‍ പ്രത്യേക അറക്കുള്ളില്‍ സൂക്ഷിച്ച മദ്യം കണ്ടെത്തിയത്.
പ്രിവന്റിവ് ഓഫിസര്‍ വി. സുരേഷ്, സിവില്‍ എക്‌സൈസ് ഓഫിസര്‍മാരായ പി. സുരേന്ദ്രന്‍, എം.കെ രവീന്ദ്രന്‍, ശ്രീകാന്ത്, ഡ്രൈവര്‍ എം.കെ രാധാകൃഷ്ണന്‍ എന്നിവരും സംഘത്തിലുണ്ടായിരുന്നു.