ഓരോ ഋതുവിനായും ഓരോ പൂക്കളെ മൂന്നാര്‍ കരുതിവച്ചിട്ടുണ്ട്. മണ്‍സൂണ്‍ മടങ്ങിപ്പോകുന്ന ഈ കാലം സ്പാര്‍തോഡിയയുടേതാണ്. പച്ചപ്പട്ടു കമ്പളത്തിനു മീതെ ചോപ്പ് വിരിയിച്ചു നില്‍ക്കുന്ന സ്പാര്‍തോഡിയ പൂക്കളിപ്പോള്‍ മഴയൊഴിഞ്ഞ മൂന്നാറിന്റെ മനോഹര കാഴ്ചയാണ്.

ബ്രിട്ടീഷ് ഭരണകാലത്ത് മൂന്നാറിലെ തേയിലത്തോട്ടങ്ങളില്‍ മലേറിയ രോഗം വ്യാപകമായി പടര്‍ന്നു പിടിച്ചിരുന്നു. അന്ന് രോഗവാഹകരായ കൊതുകുകളെ തുരത്താന്‍ സായിപ്പിനൊപ്പം കപ്പലുകയറി വന്നതാണ് ഈ വിദേശ വൃക്ഷം.

ചുവന്നു തുടുത്തു നില്‍ക്കുന്ന സ്പാര്‍തോഡിയ പുഷ്പങ്ങളില്‍ പശിമയാര്‍ന്നതും പ്രത്യേക തരം ഗന്ധവുമുള്ള ഒരു ദ്രാവകമുണ്ട്. ഈ ഗന്ധത്തില്‍ ആകൃഷ്ടരായെത്തുന്ന കൊതുകുകള്‍ പൂവിലെ ദ്രാവകത്തില്‍ ഒട്ടിപ്പിടിക്കും.

ഇങ്ങനെ കൊതുകുകളെ കൊല്ലാനെന്ന ലക്ഷ്യത്തോടെയാണ് പ്രാദേശികമായി മലേറിയ മരമെന്നും അറിയപ്പെടുന്ന സ്പാര്‍തോഡിയ കടല്‍ കടന്ന് മൂന്നാറിലെത്തിയത്.

അന്ന് രോഗബാധ ഏറ്റവുമധികമുണ്ടായിരുന്ന വാഗുവരെ, തെന്മല, ഗുണ്ടുമല, ലക്ഷ്മി എസ്റ്റേറ്റുകളിലാണ് ഈ പുഷ്പവൃക്ഷം ഏറ്റവുമധികം കാണപ്പെടുന്നത്. മൂന്നാര്‍- മറയൂര്‍ റോഡിലും വഴിക്കിരുവശവും നിരവധി സ്പാര്‍തോഡിയ പൂത്ത് നില്‍ക്കുന്നുണ്ട്.

 

 

 

തീപിടുത്തം പുതുമയല്ലാത്ത നാടാണ് ബ്രസീല്‍. ഇപ്പോഴിതാ ലോകത്തെ ഏറ്റവും വലിയ ചതുപ്പുനിലമെന്ന ഖ്യാതിയുള്ള ബ്രസീലിലെ തന്നെ പാന്റനാല്‍ മേഖലയില്‍ തീ പിടിച്ചിരിക്കുന്നു. ജനുവരി മുതല്‍ തുടര്‍ച്ചയായുള്ള തീ പിടുത്തത്തില്‍ നിരവധി ജീവജാലങ്ങളാണ് ചത്തൊടുങ്ങിയത്.

ലോകത്തിലെ തന്നെ ഏറ്റവും ജൈവവൈവിധ്യങ്ങളുള്ള മേഖലയാണിത്. 47 വര്‍ഷത്തിനിടെയുണ്ടായ ഏറ്റവും വലിയ വരള്‍ച്ചയാണ് തീ പിടുത്തത്തിലേക്ക് നയിച്ചതെന്നാണ് പറയുന്നത്.

ചതുപ്പുനിലത്തിന്റെ 15 ശതമാനവും ഇതിനകം കത്തിയമര്‍ന്നുവെന്നാണ് കണക്ക്.

 

 

[caption id="attachment_889046" align="alignnone" width="686"]  [/caption]

 

മനുഷ്യന്റെ സഞ്ചാര ചരിത്രം വ്യത്യസ്തമാണെങ്കിലും അതിലേറെയും അഭയാര്‍ഥി സഞ്ചാരമായിരിക്കും നടന്നിട്ടുണ്ടാവുക. അഭയം തേടി അലയുന്ന മനുഷ്യന്റെ വികാരപ്പകര്‍പ്പുകള്‍ കുറച്ചു മാസമകലെ ഇന്ത്യക്കാരും കണ്ടതാണ്. അതിനു സമാനമായൊരു ചിത്രമാണ് ഇപ്പോള്‍ ഗ്രീസിലെ ലെസ്‌ബോസ് ദ്വീപില്‍ നിന്ന് വരുന്നത്.

യൂറോപ്പിലെ ഏറ്റവും വലിയ അഭയാര്‍ഥി ക്യാംപായ മോറിയയില്‍ തീ പിടുത്തമുണ്ടായതിനെ തുടര്‍ന്നാണ് ഇവര്‍ വീണ്ടും പലായനം ആരംഭിച്ചത്. മറ്റേതോ രാജ്യത്തു നിന്ന് എത്തിയ ഇവര്‍ തീരാ ദുരിതത്തിലായിരുന്നു മോറിയയിലെ ക്യാംപില്‍ കഴിഞ്ഞിരുന്നത്. അതിനിടയില്‍ കൊവിഡും വന്നു. ഇപ്പോഴിതാ തീ പിടുത്തവും. ഇവരിനി എങ്ങോട്ടാവും?

 

 

 

 

യു.എസ് പ്രസിഡന്റ് ഡൊണാള്‍ഡ് ട്രംപിന്റെ ഭാര്യ മെലാനിയ ട്രംപിന്റെ വെങ്കല പ്രതിമയാണ് ഒന്നാമത്തെ ചിത്രത്തില്‍. മെലാനിയുടെ ജന്മനാടായ സ്ലൊവേനിയയില്‍ സ്ഥാപിച്ചതാണിത്. ഇതിനൊരു പ്രത്യേകതയുണ്ട്. നേരത്തെ ഇതേ സ്ഥലത്തുണ്ടായിരുന്ന സമാനമായ മരം കൊണ്ടുണ്ടാക്കിയ പ്രതിമ ആരോ തീവച്ചതിനെ തുടര്‍ന്നാണ് പുതിയ വെങ്കല പ്രതിമ സ്ഥാപിച്ചത്.

മെലാനിയയുടെ കോലമില്ലെന്ന് പറഞ്ഞാണത്രേ ഇത് നശിപ്പിച്ചത്! അല്ല, മെലാനിയയ്ക്ക് സ്ലോവേനിയയില്‍ എന്താണ് കാര്യമെന്ന് ചോദിക്കുന്നവരുമുണ്ട്.

ട്രംപ് പ്രസിഡന്റായ ദിവസം മെലാനിയ ധരിച്ച വസ്ത്രത്തിന്റെ നിറമായിരുന്നു പഴയ മര പ്രതിമയ്ക്ക് നല്‍കിയിരുന്നത്.

മൂന്നാമത്തെ ചിത്രത്തിലുള്ള പ്രതിമയ്ക്ക് നേരത്തെ പറഞ്ഞ പ്രശ്‌നമുണ്ടാവാനിടയില്ല. ആളെ മനസിലായില്ലേ, ട്രംപ് തന്നെ. കഴിഞ്ഞവര്‍ഷാണ് ഇത് സ്ഥാപിച്ചത്. അതും മെലാനിയ വളര്‍ന്നുവലുതായ സെലാ പ്രി കാമ്‌നികു എന്ന സ്ഥലത്താണ്.