തിരുവനന്തപുരം: എസ്.സി വിഭാഗത്തില്‍ 66.1 ശതമാനം പേരാണ് ഉപരിപഠനത്തിന് യോഗ്യരായത്. എസ്.ടി വിഭാഗത്തില്‍ 65.24 ശതമാനവും ഒ.ഇ.സി വിഭാഗത്തില്‍ 76.89 ശതമാനവും ഉപരിപഠനത്തിന് യോഗ്യരായി. സര്‍ക്കാര്‍ സ്‌കൂളുകളില്‍ പഠിച്ചവരില്‍ 83.04 ശതമാനം പേരും എയ്ഡഡ് സ്‌കൂളുകളിലെ 86.36 ശതമാനവും അണ്‍എയ്ഡഡ് മേഖലയിലെ 77.34 ശതമാനവുമാണ് വിജയിച്ചത്. ഹയര്‍ സെക്കന്‍ഡറിയില്‍ എല്ലാ വിഷയങ്ങള്‍ക്കും എ പ്ലസ് നേട്ടം സ്വന്തമാക്കിയത് 14,244 വിദ്യാര്‍ഥികളാണ്. ഇതില്‍ 10,637 പെണ്‍കുട്ടികളും 3,607 ആണ്‍കുട്ടികളുമാണ്. സയന്‍സ് വിഭാഗത്തില്‍ 10,093 പേര്‍ക്കും ഹ്യൂമാനിറ്റീസില്‍ 1,034 പേര്‍ക്കും കൊമേഴ്‌സ് വിഭാഗത്തില്‍ 3,117 പേര്‍ക്കും എല്ലാ വിഷയങ്ങള്‍ക്കും എ പ്ലസ് നേടാനായി. 28,581 പേര്‍ക്ക് എല്ലാ വിഷയങ്ങള്‍ക്കും എ ഗ്രേഡോ അതിനു മുകളിലോ ലഭിച്ചപ്പോള്‍ 40,766 പേര്‍ക്ക് ബി പ്ലസ് ഗ്രേഡോ അതിനു മുകളിലോ ലഭിച്ചു. ഹയര്‍സെക്കന്‍ഡറി സിലബസ് പിന്തുടരുന്ന 15 ടെക്‌നിക്കല്‍ സ്‌കൂളുകളില്‍നിന്നായി 1,420 പേര്‍ പരീക്ഷക്കിരുന്നതില്‍ 990 പേര്‍ ഉപരിപഠനത്തിന് യോഗ്യത നേടി. ഇതില്‍ 33 പേര്‍ക്ക് മുഴുവന്‍ വിഷയങ്ങള്‍ക്കും എ പ്ലസ് ലഭിച്ചു.