താമരശ്ശേരി: പുതുപ്പാടി സര്‍വിസ് സഹകരണ ബാങ്കിന്റെ ആഭിമുഖ്യത്തില്‍ പ്രവര്‍ത്തിക്കുന്ന ഗ്രീന്‍വാലി കര്‍ഷക സേവനകേന്ദ്രത്തിന്റെ പ്രവര്‍ത്തനങ്ങള്‍ വിപുലീകരിക്കുന്നതിന്റെ ഭാഗമായി സംഘടിപ്പിക്കുന്ന ഏകദിന കര്‍ഷക സെമിനാര്‍ ഇന്നു നടക്കും. ഈങ്ങാപ്പുഴ പാരീഷ് ഹാളില്‍ രാവിലെ 9.30നു നടക്കുന്ന സെമിനാര്‍ ജോര്‍ജ് എം. തോമസ് എം.എല്‍.എ ഉദ്ഘാടനം ചെയ്യും. ബ്ലോക്ക് പഞ്ചായത്ത് വൈസ് പ്രസിഡന്റ് സൂപ്പര്‍ അഹമ്മദ്കുട്ടി ഹാജി അധ്യക്ഷനാകും. കാരാട്ട് റസാഖ് എം.എല്‍.എ കര്‍ഷകരെയും കര്‍ഷകതൊഴിലാളികളെയും ആദരിക്കും.