തൊടുപുഴ: പത്തുവയസുള്ള പെണ്‍കുട്ടിയെ ശാരീരികമായി ഉപദ്രവിച്ച രണ്ടാനച്ഛനെയും അമ്മയെയും സുഹൃത്തിനെയും ഇടുക്കി പൊലിസ് അറസ്റ്റ് ചെയ്തു. എറണാകുളം കണയന്നൂര്‍ ഇളംതുരുത്തിയില്‍ മാത്യു (49), ഇടുക്കി പൈനാവ് വിഷ്ണുഭവനത്തില്‍ വിഷ്ണു (27) എന്നിവരാണ് അറസ്റ്റിലായത്.
കുട്ടിയുടെ പിതാവ് വര്‍ഷങ്ങള്‍ക്കു മുമ്പ് ഉപേക്ഷിച്ചുപോയതാണ്. പിന്നീട് മാതാവ് പല വീട്ടിലും ഹോം നഴ്‌സായി ജോലി ചെയ്താണ് ഉപജീവനം നടത്തിയിരുന്നത്. ജോലിസ്ഥലത്ത് മാതാവ് കുട്ടിയെയും കൊണ്ടുപോകുമായിരുന്നു. കുട്ടിയുടെ വല്യമ്മ ചൈല്‍ഡ് വെല്‍ഫെയര്‍ കമ്മിറ്റിക്ക് നല്‍കിയ പരാതിയെ തുടര്‍ന്ന് ഇടുക്കി സി.ഐയുടെ നേതൃത്വത്തില്‍ നടന്ന അന്വേഷണത്തിലാണ് പ്രതികളെ അറസ്റ്റ് ചെയ്തത്. പ്രതികളെ കോടതിയില്‍ ഹാജരാക്കി റിമാന്റ് ചെയ്തു.