റിയാദ്: സഊദിയിൽ കഴിഞ്ഞ 24 മണിക്കൂറിനിടെ 1,009 രോഗികൾ രോഗ മുക്തരായതായി സഊദി ആരോഗ്യ മന്ത്രാലയം അറിയിച്ചു. 27 രോഗികൾ  മരണപ്പെടുകയും 483 പുതിയ രോഗബാധ സ്ഥിരീകരിക്കുകയും ചെയ്‌തിട്ടുണ്ട്‌. ആദ്യമയാണ് പുതിയ വൈറസ് ബാധ കേസുകൾ അഞ്ഞൂറിനും താഴേക്ക് വരുന്നത്.

     തുടർച്ചയായ പുതിയ വൈറസ് ബാധ കേസുകളുടെ കുറവ് രാജ്യം കൊവിഡ് മുക്തമാകുന്നു എന്നതാണ് സൂചിപ്പിക്കുന്നത്. 

      14,830 രോഗികളാണ് രാജ്യത്ത് നിലവിൽ വിവിധ ആശുപത്രികളിൽ ചികിത്സയിൽ കഴിയുന്നത്. ഇവരിൽ 1,138 രോഗികൾ അതീവ ഗുരുതരാവസ്ഥയിലുമാണ്.

      ഇതോടെ, രാജ്യത്തെ വൈറസ് ബാധ മരണം 4,485 ആയും വൈറസ് ബാധിതർ 329,754 ആയും ഉയർന്നിട്ടുണ്ട്. ഇന്ന് 1,009 രോഗികൾ രോഗ മുക്തി നേടിയതോടെ രാജ്യത്തെ രോഗ മുക്തി നേടിയവരുടെ എണ്ണം 310,438 ആയും ഉയർന്നു.