മട്ടാഞ്ചേരി: കെ.ജെ ബേര്‍ളി, കെ.ജെ ഹര്‍ഷല്‍ സ്മാരക വിദ്യാഭ്യാസ അവാര്‍ഡ് ഫെസ്റ്റിവെല്‍ മേയര്‍ സൗമിനി ജെയിന്‍ ഉദ്ഘാടനം ചെയ്തു. ഫോര്‍ട്ടുകൊച്ചി സി.സി.ഇ.എ ഹാളില്‍ നടന്ന ചടങ്ങില്‍ കെ.ജെ. മാക്‌സി എം.എല്‍.എ അധ്യക്ഷത വഹിച്ചു.
നഗരസഭ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷൈനി മാത്യു, കൗണ്‍സിലര്‍മാരായ ബെന്നി ഫെര്‍ണാണ്ടസ്, ഷമീന ടീച്ചര്‍, ഷീബാ ലാല്‍, തഹസില്‍ദാര്‍ ബീഗം താഹിറ, ജില്ലാ വിദ്യഭ്യാസ ആഫീസര്‍ കെ.ആര്‍ ലതിക, സിസ്റ്റര്‍ ലിസി ചക്കാലക്കല്‍, തോമസ് ബേര്‍ളി, പി.എ ബോസ്, അഡ്വ.പി.എ പ്രിയ എന്നിവര്‍ സംസാരിച്ചു. മട്ടാഞ്ചേരി അസി.
പൊലിസ് കമ്മിഷണര്‍ കെ.എന്‍ അനിരുദ്ധന്‍ സമ്മാനദാനം നടത്തി. നാടക രചനയിലും, സംവിധാനത്തിലും മികവ് തെളിയിച്ച ജോണ്‍ ഫെര്‍ണാണ്ടസ് എം.എല്‍.എക്ക് കെ.ജെ ബേര്‍ളി, കെ.ജെ ഹര്‍ഷല്‍ പുരസ്‌കാരം സമര്‍പ്പിച്ച് ആദരിച്ചു.