ആംസ്റ്റര്‍ഡാം: ചാമ്പ്യന്‍സ് ലീഗ് ഫൈനലില്‍ ലിവര്‍പൂളിനെ ടോട്ടനം നേരിടും. രണ്ടാം പാദ സെമിഫൈനലില്‍ അയാക്‌സിനെ 3-2 ന് തോല്‍പ്പിച്ചാണ് ടോട്ടനം ഫൈനലില്‍ പ്രവേശിച്ചത്. അവസാന നിമിഷം വരെ ആവേശം വിതറിയ മത്സരത്തിന്റെ ഇഞ്ചുറി ടൈമിന്റെ അവസാന നിമിഷം ലൂക്കാസ് മൗറയിലൂടെയാണ് ടോട്ടനമിന്റെ വിജയ ഗോള്‍ പിറന്നത് . ഇരു പാദങ്ങളിലുമായി 3-3 എന്ന ഗോള്‍ നിലയിലാണെങ്കിലും എവേ ഗോളിന്റെ ബലത്തില്‍ ടോട്ടനം ഫൈനലില്‍ പ്രവേശിക്കുകയായിരുന്നു. ടോട്ടനത്തിന്റെ മുന്നു ഗോളുകളും നേടിയത് മൗറയാണ്. അതേസമയം അയാക്‌സിനായി
മാത്യാസ് ഡിലിറ്റ് , ഹക്കിം സിയെക്ക് എന്നിവരാണ് ഗോള്‍ നേടിയത്.

ഒന്നാം പാദത്തില്‍ നേടിയ ഒരു ഗോളിന്റെ ബലത്തില്‍ കളത്തിലിറങ്ങിയ അയാക്‌സ് ആദ്യ പകുതിയില്‍ രണ്ടു ഗോളുകള്‍ നേടിമുന്നിട്ടു നിന്നികരുന്നു. എന്നാല്‍ രണ്ടാം പകുതിയില്‍ മൗറയിലൂടെ വമ്പന്‍ തിരിച്ചുവരവ് നടത്തി വിജയം തട്ടിയെടുക്കുകയായിരുന്നു ടോട്ടനം.