മദീന: സമസ്ത ഇസ്‌ലാമിക് സെന്റര്‍ (എസ്. ഐ. സി ) യാമ്പു സെന്റര്‍ കമ്മിറ്റി അഹ്‌ലന്‍ റമദാന്‍ പരിപാടിയുടെ ഭാഗമായി കുടുംബ സംഗമം സംഘടിപ്പിച്ചു. ടൊയോട്ടയിലെ റിഹാബ് ക്യാമ്പി ല്‍ നടന്ന പരിപാടിയില്‍ 'സന്തുഷ്ട കുടുംബം' എന്ന വിഷയത്തില്‍ എസ്.എസ്.എം സംസ്ഥാന ജനറല്‍ സെക്രട്ടറി ഡോ. സാലിം ഫൈസി കൊളത്തൂരും 'നോബ്ള്‍ സ്റ്റുഡന്റസ്' എന്ന വിഷയത്തില്‍ റാഷീദ് ബാഖവി എടപ്പാളും പ്രസംഗിച്ചു.

കുഞ്ഞാപ്പു ഹാജി ക്ലാരി ചട ങ്ങില്‍ അധ്യക്ഷത വഹിച്ചു. സഹദ് നദ് വി പരിപാടി ഉദ്ഘാടനം ചെയ്തു. മൊയ്തീന്‍ കുട്ടി ഫൈസി, നൂര്‍ ദാരിമി എന്നിവര്‍ സംസാ രിച്ചു . അഷ്‌റഫ് മൗലവി കണ്ണൂര്‍ ഖിറാഅത്ത് നടത്തി. ആദില്‍ തങ്ങള്‍,അബ്ദുല്‍ അസീസ് കാസര്‍കോഡ്, അബ്ദുല്‍ ഹമീദ് റിഹാബ്, മാമുക്കോയ ഒറ്റപ്പാലം, ഡോ.ഷഫീഖ് ഹുദവി, ഹസ്സന്‍ കുറ്റിപ്പുറം എന്നിവര്‍ നേതൃത്വം നല്‍കി. പ്രോഗ്രാം കണ്‍വീനര്‍ അബ്ദുല്‍ കരീം പുഴക്കാട്ടിരി സ്വാഗതവും എസ്. ഐ. സി യാമ്പു സെന്റര്‍ കമ്മിറ്റി ജനറല്‍ സെക്രട്ടറി അബ്ദുല്‍ കബീര്‍ കുന്നുംപുറം നന്ദിയും പറഞ്ഞു.