തൊടുപുഴ: ഇടുക്കി അടിമാലി കുറത്തിക്കുടിയില്‍ ചാങ്ങാടത്തില്‍ പുഴ മുറിച്ചു കടക്കുന്നതിനിടെ ഒഴുക്കില്‍പ്പെട്ടവരെ രക്ഷപ്പെടുത്തി. കാണാതായവരെ രക്ഷപ്പെടുത്തിയതായി എസ്. രാജേന്ദ്രന്‍ എം.എല്‍.എ അറിയിച്ചു.

വനവിഭവങ്ങള്‍ ശേഖരിക്കാന്‍ പോയ ആദിവാസികളാണ് ഒഴുക്കില്‍പ്പെട്ടത്. ചങ്ങാടത്തില്‍ അഞ്ച് കുട്ടികളും മൂന്ന് സ്ത്രീകളും ഒരു പുരുഷനും ഉണ്ടായിരുന്നു.

നാട്ടുകാര്‍ ചേര്‍ന്ന് നടത്തിയ രക്ഷാപ്രവര്‍ത്തനത്തിലാണ് ഒമ്പതു പേരെയും രക്ഷപ്പെടുത്തിയത്. പൊലീസും ഫയര്‍ഫോഴ്സും സംഭവസ്ഥലത്തെത്തി സ്ഥിതിഗതികള്‍ പരിശോധിച്ചു.