കടുത്തുരുത്തി: സ്‌കൂള്‍ പരിസരത്ത് അനധികൃതമായി പാന്‍പരാഗും സിഗരറ്റും ഉള്‍പെടെയുള്ള ലഹരി ഉത്പന്നങ്ങള്‍ വിറ്റിരുന്ന പ്രതികളെ ഷാഡോ പൊലിസ് പിടികൂടി.
രണ്ടിടത്തുനിന്നുമാണ് ഇരുവരും പിടിയിലായത്. മേമ്മുറി സ്വദേശി റെജി, ഇരവിമംഗംലം സ്വദേശി ജോണി മാത്യു എന്നിവരാണ് പിടിയിലായത്.
ഓട്ടോറിക്ഷയില്‍ വിദ്യാര്‍ഥികള്‍ക്കായി സ്‌കൂള്‍ പരിസരതെത്തിച്ചാണ് റെജി പാന്‍പരാഗ് ഉല്‍പെടെയുള്ള ലഹരി ഉത്പന്നങ്ങല്‍ വിറ്റിരുന്നത്.
മാന്‍വെട്ടം സ്‌കൂളിന്റെ പരിസരത്തുനിന്നുമാണ് ഇയാളെ പോലീസ് പിടികൂടിയത്. ഓട്ടോറിക്ഷയില്‍ നിന്നും ലഹരി ഉത്പന്നങ്ങളും പൊലിസ് പിടിച്ചെടുത്തു.
മണ്ണാറപ്പാറ സ്‌കൂളിന് സമീപം ദൂരപരിധി ലംഘിച്ചു സിഗരറ്റ്, ബീഡി ഉത്പന്നങ്ങള്‍ വില്‍പന നടത്തിയതാണ് ജോണിയെ കുടുക്കിയത്. കൂടാതെ പുകയില ഉത്പന്നങ്ങളില്‍ മുന്നറിയിപ്പ് ലേബല്‍ ഇല്ലാതെയാണ് ഇവ വിറ്റിരുന്നതെന്നും പോലീസ് പറഞ്ഞു. ഇത്തരം സിഗരറ്റ് പായ്ക്കറ്റുകളും ഇയാളില്‍ നിന്നും പിടിച്ചെടുത്തിട്ടുണ്ട്.