മൂവാറ്റുപുഴ: എലിപ്പനി പടര്‍ന്ന പിടിയ്ക്കുന്ന സാഹചര്യത്തില്‍ മൂവാറ്റുപുഴയില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി. മൂവാറ്റുപുഴ ജനറല്‍ ആശുപത്രി, സമീപപ്രദേശങ്ങളിലെ സ്വാകാര്യ ആശുപത്രികളിലടക്കം നാല്‍പതോളം പേരാണ് എലിപ്പനിയുടെ ലക്ഷണങ്ങളുമായി ചികിത്സ തേടിയിരിക്കുന്നത്. മൂവാറ്റുപുഴയില്‍ ഇതുവരെയും എലിപ്പനി സ്ഥിരീകരിച്ചിട്ടില്ല. ലക്ഷണങ്ങളുമായി എത്തിയവര്‍ ഡോക്ടറുമാരുടെ നിരീക്ഷമത്തിലാണ് എലിപ്പനി സ്ഥിരീകരിക്കാന്‍ ഏഴ് ദിവസത്തോളമെടുക്കുമെന്നാണ് ഡോക്ടര്‍മാര്‍ പറയുന്നത്. പനിയും മറ്റ് രോഗ ലക്ഷണങ്ങളുമായി എത്തുന്നവരെ എലിപ്പനി പ്രതിരോധ മരുന്ന് അടക്കം നല്‍കുന്നുണ്ടന്നും ഡോക്ടര്‍മാര്‍ പറഞ്ഞു.
വെള്ളപൊക്ക ബാധിത മേഖലകളില്‍ വോളണ്ടിയര്‍മാരെ പ്രത്യേക സംഘങ്ങളാക്കി പ്രതിരോധ പ്രവര്‍ത്തനങ്ങള്‍ നടക്കുന്നത്. മൂവാറ്റുപുഴ നഗരസഭയില്‍ വിവിധ ഭാഗങ്ങളിലായി ആലോപ്പതി, ആയുര്‍വ്വേദ, ഹോമിയോ ഡിപ്പാര്‍ട്ട് മെന്റുകളുടെ സംയുക്താഭിമുഖ്യത്തില്‍ മെഡിക്കല്‍ ക്യാംപുകള്‍ക്ക് തുടക്കമായി. ഞായറാഴ്ച രാവിലെ ഗവണ്‍മെന്റ് മോഡല്‍ ഹൈസ്‌കൂളിലും, ഉച്ചകഴിഞ്ഞ് കിഴക്കേക്കര ഈസ്റ്റ് ഹൈസ്‌കൂളിലും ക്യാംപ് നടത്തി. ഇന്നലെ രാവിലെ മുതല്‍ രണ്ടാര്‍ കമ്മ്യൂണിറ്റി ഹാളിലും, ഉച്ചകഴിഞ്ഞ് കാവുംപടി ബ്രാഹ്മണ സമൂഹമഠത്തിലും മെഡിക്കല്‍ ക്യാംപ് നടന്നു. ഇന്ന് രാവിലെ മുതല്‍ കരയപ്പുറം വനിതസെന്ററിലും ഉച്ചകഴിഞ്ഞ് ആരക്കുഴ റോഡിലെ നാസ് ഓഡിറ്റോറിയത്തിലും മെഡിക്കല്‍ ക്യാംപ് നടക്കും.
നാളെ രാവിലെ മുതല്‍ ഐ.എം.എ ഹാളിലും, ഉച്ചകഴിഞ്ഞ് കാവുംങ്കര അര്‍ബണ്‍ ഹാളിലും, വ്യാഴാഴ്ച രാവിലെ മുതല്‍ വെള്ളൂര്‍കുന്നം ശാന്തിനഗര്‍ ഹാളിലും, ഉച്ചകഴിഞ്ഞ് ഇ.ഇ.സി.മാര്‍ക്കറ്റിലും, വെള്ളിയാഴ്ച രാവിലെ കുര്യന്‍മല കമ്മ്യൂണിറ്റി ഹാളിലും, ഉച്ചകഴിഞ്ഞ് വാഴപ്പിള്ളി ജെ.ബി.സ്‌കൂളിലും മെഡിക്കല്‍ ക്യാംപ് നടക്കും.