വടകര: കസ്റ്റംസ് റോഡ് യൂനിറ്റി റസിഡന്റ്‌സ് അസോസിയേഷന്റെ നേതൃത്വത്തില്‍ കസ്റ്റംസ് റോഡ് സെക്കന്‍ഡ് സ്ട്രീറ്റ് പ്രദേശത്തെ ഗതാഗത യോഗ്യമല്ലാതായ റോഡിലുള്ള കുഴികള്‍ കോണ്‍ക്രീറ്റ് ചെയ്തു അടച്ചു.
റോഡിന്റെ ശോചനീയാവസ്ഥ പരിഹരിക്കാന്‍ നിരവധി തവണ പരാതി നല്‍കിയിട്ടും അധികാരികള്‍ തിരിഞ്ഞു നോക്കിയില്ല.
ഇത്തവണത്തെ നഗരസഭ ബജറ്റില്‍ വകയിരുത്തിയത് നാമമാത്രമായ തുകയാണെന്നും അസോസിയേഷന്‍ കുറ്റപ്പെടുത്തി.
ഇതിനാലാണ് റസിഡന്‍സ് അസോസിയേഷന്‍ റോഡ് നന്നാക്കാന്‍ തീരുമാനിച്ചത്.
പ്രസിഡന്റ് പി.വി.സി മമ്മു ഉദ്ഘാടനം ചെയ്തു. ചാത്തോത്ത് അശോകന്‍, മാട്ടോല്‍ ഗംഗാധരന്‍, ടി. പി രാജേന്ദ്രന്‍, എടക്കുടി സുജിത്, ടി.പി രാജീവന്‍, ടി.വി.സി അസീസ്, എടക്കുടി മണി, പി.പി രാജേഷ്, രമേശന്‍, പി.പി സുനില്‍, വിബിന്‍, കെ.പി നജീബ് പങ്കെടുത്തു.