കൊല്ലം: കല്ലുംതാഴത്തെ ഫാത്തിമ കോളജ് ഓഫ് ഫാര്‍മസിയിലെ സമരം ചെയ്ത വിദ്യാര്‍ഥികളെ തിരിച്ചെടുക്കാനോ അവരുമായി ചര്‍ച്ച ചെയ്യാനോ തയാറാകാതെ കോളജ് മാനേജ്‌മെന്റ്.
അടിസ്ഥാന സൗകര്യങ്ങളില്ലെന്ന് ആരോപിക്കുന്ന വിദ്യാര്‍ഥികള്‍ പഠനം നിര്‍ത്തി പിരിഞ്ഞുപോകണമെന്നാണ് മാനേജ്‌മെന്റിന്റെ ഉത്തരവ്. എന്നാല്‍ പിരിഞ്ഞുപോയാല്‍ അടച്ച തുകയില്‍ ഒന്നും തിരിച്ചു നല്‍കില്ലെന്നും അധികൃതര്‍ പറഞ്ഞതായി വിദ്യാര്‍ഥികള്‍ പരാതിപ്പെട്ടു.
കോളജ് കാംപസിനുള്ളില്‍ വളര്‍ത്തുമൃഗങ്ങളും വാഹന വര്‍ക്ക് ഷോപ്പുമാണുള്ളത്. വാഹനങ്ങള്‍ പൊളിക്കുന്ന ശബ്ദംമൂലം പടിക്കാന്‍ സാധിക്കുന്നില്ലന്നു വിദ്യാര്‍ഥികള്‍ രേഖാമൂലം പ്രിന്‍സിപ്പലിനു പരാതി നല്‍കിയിരുന്നു. എന്നാല്‍ പരാതിയിന്മേല്‍ യാതൊരുവിധ നടപടിയും ഉണ്ടായില്ല. ഇന്നലെ രാവിലെയും മാനേജ്‌മെന്റ് കോളജ് ഗേറ്റ് പൂട്ടി കാംപസിനുള്ളില്‍ പട്ടികളെ അഴിച്ചിവിടുകയാണുണ്ടായത്. തുടര്‍ന്ന്
ഗേറ്റിന് മുന്‍പില്‍ വിദ്യാര്‍ഥികള്‍ സമരം ചെയ്‌തെങ്കിലും മനേജ്‌മെന്റ് തിരിഞ്ഞുനോക്കിയില്ല.