മഞ്ചേരി:തമിഴ്നാട് സേലത്തിനടുത്തുണ്ടായ അപകടത്തിൽ മഞ്ചേരി സ്വദേശി ഉൾപ്പെടെ രണ്ടു പേർ മരിച്ചു. മുള്ളമ്പാറ പുത്തൻപീടിയേക്കൽ ഷൗക്കത്തലിയുടെ മകൻ മുഹമ്മദ് സൽമാൻ (24) ആണ് മരിച്ചത്.

[caption id="attachment_889735" align="alignnone" width="720"] മുഹമ്മദ് സൽമാൻ[/caption]

 

ഇന്ന് രാവിലെ 6.15 നാണ് അപകടം ഉണ്ടായത്. ബസ് ഡ്രൈവറായ സൽമാൻ തമിഴ്നാട്ടിൽ നിന്ന് തൊഴിലാളികളെ കൊണ്ടുവരാൻ ടൂറിസ്റ്റ് ബസുമായി പോയതായിരുന്നു. തൊഴിലാളികളുമായി മടങ്ങുന്നതിനിടെ ബസിൻ്റെ ടയർ പഞ്ചറായി. റോഡരികിൽ വാഹനം നിർത്തി ടയർ മാറ്റുന്നതിനിടെ സിമൻ്റുമായി വന്ന ചരക്ക് ലോറി ഇടിക്കുകയായിരുന്നു.

 

ഗുരുതരമായി പരുക്കേറ്റ സൽമാൻ സംഭവ സ്ഥലത്ത് വെച്ച് തന്നെ മരിച്ചെന്നാണ് വിവരം. തമിഴ്നാട് സ്വദേശിയായ ഒരു തൊഴിലാളിയും മരണപ്പെട്ടു. കൂടെയുണ്ടായിരുന്ന സുഹൃത്ത് മുഹമ്മദ് ജുനൈസ് അത്ഭുതകരമായി രക്ഷപ്പെട്ടു. മൈമൂനയാണ്  സൽമാൻ്റെ മാതാവ്.