കോഴിക്കോട്: മദര്‍ തെരേസയുടെ 21-ാം ചരമദിനത്തോടനുബന്ധിച്ചുള്ള അനുസ്മരണവും പുരസ്‌കാര സമര്‍പ്പണവും നാളെ വൈകിട്ട് അഞ്ചിന് അത്താണിക്കല്‍ സ്‌നേഹഭവനില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. മുംബൈ ആസ്ഥാനമായി പ്രവര്‍ത്തിക്കുന്ന മദര്‍ തെരേസ ഫൗണ്ടേഷന്റെയും പ്രവാസി വെല്‍ഫെയര്‍ ആന്‍ഡ് ഡെവലപ്‌മെന്റ് സൊസൈറ്റിയുടെയും ആഭിമുഖ്യത്തിലാണു പരിപാടി സംഘടിപ്പിക്കുന്നത്. മദര്‍ തെരേസ ദേശീയ പുരസ്‌കാരം കൈതപ്പൊയില്‍ ലിസ്സ കോളജ് പ്രിന്‍സിപ്പലും സാമൂഹിക സാംസ്‌കാരിക ആതുരസേവന പ്രവര്‍ത്തകനുമായ പ്രൊഫ. വര്‍ഗീസ് മാത്യുവിനു നല്‍കും.