തിരുവനന്തപുരം: പ്രതിധ്വനി സെവന്‍സ് രണ്ടാം എഡിഷന്‍ ടൂര്‍ണമെന്റ് ഫൈനലില്‍ നിലവിലെ ചാംപ്യന്മാരായ ഇന്‍ഫോസിസ് യു.എസ്.ടി ഗ്ലോബലിനെ 2-1 ന് പരാജയപ്പെടുത്തി കിരീടം കരസ്ഥമാക്കി. ഇന്‍ഫോസിസിനു വേണ്ടി ഗൗതം, രാകേഷ് എന്നിവര്‍ ഗോളുകള്‍ നേടിയപ്പോള്‍ യു.എസ്.ടിയുടെ ആശ്വാസ ഗോള്‍ ആദര്‍ശ്ബാബുവിന്റെ വകയായിരുന്നു.
ഇതു രണ്ടാം തവണയാണ് ടെക്‌നോപാര്‍ക്കിലെ ജീവനക്കാരുടെ സാമൂഹ്യ സാംസ്‌കാരിക സംഘടനയായ പ്രതിധ്വനി ടെക്‌നോപാര്‍ക്കിലെ കമ്പനികള്‍ക്കു വേണ്ടിയുള്ള ഫുട്‌ബോള്‍ മത്സരം സംഘടിപ്പിക്കുന്നത്.
50 കമ്പനികളില്‍ നിന്നും 56 ടീമുകള്‍ പങ്കെടുത്തു.