മാറഞ്ചേരി: പ്രമുഖ പണ്ഡിതനും സൂഫിയുമായിരുന്ന വെളിയങ്കോട് ഉമര്‍ഖാസിയുടെ 166-ാമത് ആണ്ടുനേര്‍ച്ചക്ക് തുടക്കമായി. അനുസ്മരണ സമ്മേളനത്തോടെയാണ് ആണ്ടുനേര്‍ച്ചക്കു തുടക്കമായത്. അനുസ്മരണ സമ്മേളനം അബ്ദുസമദ് സമദാനി ഉദ്ഘാടനം ചെയ്തു. മഹല്ല് പ്രസിഡന്റ് യൂസഫ് അധ്യക്ഷനായി. സംസ്ഥാന ഹജ്ജ് കമ്മറ്റി ചെയര്‍മാന്‍ മുഹമ്മദ് ഫൈസി മുഖ്യപ്രഭാഷണം നടത്തി. മഹല്ല് ഖാസി ഹംസ സഖാഫി പ്രാര്‍ഥനക്ക് നേതൃത്വം നല്‍കി. ഇന്ന് ദിക്ര്‍ ഹല്‍ഖ നടക്കും. ബുധനാഴ്ച കാലത്ത് ഏഴു മുതല്‍ ഉച്ചക്ക് രണ്ടുവരെയാണ് നേര്‍ച്ചയോടനുബന്ധിച്ചുള്ള അന്നദാനം.