തിരുവനന്തപുരം: വെള്ളായണി കാര്‍ഷിക കോളജില്‍ യു.ജി അക്കാദമിക് ബ്ലോക്കിന്റെയും സസ്യ രോഗനിര്‍ണയ ലബോറട്ടറിയുടെയും ഉദ്ഘാടനവും ഡോ. എന്‍.പി കുമാരി സുഷമ മെമ്മോറിയല്‍ അവാര്‍ഡുകളുടെ വിതരണവും 27ന് മുഖ്യമന്ത്രി പിണറായി വിജയന്‍ നിര്‍വഹിക്കും. കോളജ് ഇന്‍ഡോര്‍ സ്റ്റേഡിയത്തില്‍ വൈകിട്ട് മൂന്നിനാണ് പരിപാടി. മന്ത്രി വി.എസ് സുനില്‍ കുമാര്‍, ശശിതരൂര്‍ എം.പി, എം.എല്‍.എമാരായ കെ. രാജന്‍, എം. വിന്‍സന്റ്, ജില്ലാ പഞ്ചായത്ത് പ്രസിഡന്റ് വി.കെമധു തുടങ്ങിയവര്‍ പങ്കെടുക്കും.