കണ്ണൂര്‍: ആഴ്ചകള്‍ക്ക് മുന്‍പ് പൊളിഞ്ഞ് നടുറോഡിലേക്ക് മറിഞ്ഞ ഡിവൈഡര്‍ ബോര്‍ഡുകള്‍ നടുറോഡില്‍ തന്നെ കിടക്കുന്നു. കണ്ണൂര്‍ കാല്‍ടെക്‌സ് ജങ്ഷനിലാണ് ദിവസങ്ങള്‍ക്ക് മുന്‍പ് ഡിവൈഡര്‍ ബോര്‍ഡ് പൊളിഞ്ഞ് വീണത്. മിക്കദിവസങ്ങളിലും റോഡില്‍ കിടക്കുന്ന ഡിവൈഡറിന്റെ തൊട്ടടുത്ത് തന്നെ വാഹനപരിശോധനയ്ക്കായി പൊലിസുകാര്‍ നില്‍ക്കാറുമുണ്ട്. എന്നാല്‍ അത് കണ്ടിട്ടും കാണാത്തപോലെ നടിക്കുകയാണ് നിയമപാലകര്‍. നഗരത്തിലെ ഏറ്റവും കൂടുതല്‍ വാഹനങ്ങള്‍ പോകുന്ന സ്ഥലമാണ് കാല്‍ടെക്‌സ് ജങ്ഷന്‍. അധികൃതര്‍ അടിയന്തരമായി ഡിവൈഡര്‍ ബോര്‍ഡുകള്‍ എടുത്തുമാറ്റിയില്ലെങ്കില്‍ വാഹനങ്ങള്‍ അപകടത്തില്‍പെടുമെന്ന് ഉറപ്പാണ്.