പൊന്നാനി: പൊതുസ്ഥലങ്ങളില്‍ പ്ലാസ്റ്റിക് മാലിന്യങ്ങള്‍ കത്തിക്കുന്നതു തടഞ്ഞ ഹൈക്കോടതി ഉത്തരവിനു പൊന്നാനി  നഗരസഭാ പരിധിയില്‍ പുല്ലുവില. പാതയോരത്തു പ്ലാസ്റ്റിക് അടങ്ങുന്ന മാലിന്യങ്ങള്‍ കത്തിക്കുന്നതു പതിവാണ്.
കുടുംബശ്രീ ശേഖരിക്കുന്ന പ്ലാസ്റ്റിക് ഉള്‍പ്പെടെയുള്ള മാലിന്യങ്ങളും പാതയോരത്താണു തീയിടുന്നത്. ഹൈക്കോടതി ഉത്തരവിന്റെ പശ്ചാത്തലത്തില്‍ വിലക്കു വകവെക്കാതെയാണപ ചില  കടയുടമകളും മാലിന്യങ്ങള്‍ ശേഖരിക്കുന്ന ജീവനക്കാരും പ്ലാസ്റ്റിക് മാലിന്യങ്ങള്‍ കത്തിക്കുന്നത്.
നഗരത്തില്‍ വിവിധ സ്ഥലങ്ങളില്‍  മാലിന്യം തള്ളരുതെന്നു സ്ഥാപിച്ച ബോര്‍ഡുകള്‍ കാണാം. മാലിന്യം  ശേഖരിക്കുന്ന ജീവനക്കാര്‍ തന്നെ മാലിന്യം റോഡരികിലേക്കു തള്ളുകയാണു ചെയ്യുന്നത് . ഇതിനു പുറമേ  നഗരത്തിലെ വ്യാപാര സ്ഥാപനങ്ങളില്‍ നിന്നുള്ളവരും മാലിന്യങ്ങള്‍ റോഡില്‍ തള്ളുന്നുണ്ട്. പ്ലാസ്റ്റിക്  ചാക്കുകള്‍ ഒന്നാകെ തീയിടുകയാണു ചെയ്യുന്നത്. നഗരത്തിന്റെ പലഭാഗങ്ങളിലും കോര്‍  മാലിന്യസംസ്‌കരണം ഇപ്പോള്‍ ഇങ്ങനെയാണു പ്ലാസ്റ്റിക് കത്തിക്കുന്നതു പൊതുശല്യമായി കണക്കാക്കണമെന്നു ഹൈക്കോടതി പറഞ്ഞതു കഴിഞ്ഞ മാസമാണ്. വെളിയംകോട് ,പെരുമ്പടപ്പ് പഞ്ചായത്തുകളിലും ഇതാണ് സ്ഥിതി .