തലപ്പുഴ: വീടിന്റെ വാതില്‍ കുത്തിത്തുറന്ന് പണവും സ്വര്‍ണവും കവര്‍ന്നു.
കാട്ടിമൂല കോമ്പാറ കണ്ണിക്കുളത്തില്‍ പ്രതീപന്റെ വീട്ടിലാണ് മോഷണം നടന്നത്. രാത്രി പ്രദീപനും കുടുംബവും സുഹൃത്തിന്റെ വിവാഹത്തിന് പോയ സമയത്താണ് മോഷ്ടാവ് പിറകുവശത്തെ വാതിലിന്റെ പൂട്ടുപ്പൊളിച്ച് അകത്ത് കയറിയത്. വീട്ടില്‍ സുക്ഷിച്ചിരുന്ന അഞ്ചു ലക്ഷം രൂപയും ആറ് പവനോളം സ്വര്‍ണവും കവര്‍ന്നിട്ടുണ്ട്. പിന്നീട് നാട്ടുകാര്‍ നടത്തിയ തിരച്ചിലില്‍ വീട്ടില്‍ നിന്നും മാറി സമീപത്തെയൊരു കടയുടെ പരിസരത്ത് നിന്നും ഉപേക്ഷിച്ച നിലയില്‍ സ്വര്‍ണം കണ്ടെത്തിയിട്ടുണ്ട്. തലപ്പുഴ പൊലിസിന്റെ നേതൃത്വത്തില്‍ ഡോഗ് സ്‌ക്വാഡും, വിരലടയാള വിദഗ്ദരും അന്വേഷണം ആരംഭിച്ചിട്ടുണ്ട്. മരപ്പണിക്കാരനായ പ്രദീപന്‍ ഉപയോഗിച്ചിരുന്ന ഉളി ഉപയോഗിച്ചാണ് കള്ളന്‍ അലമാര പൊളിച്ചത്.