തൃശൂര്‍: കാലിക്കറ്റ് സര്‍വകലാശാലയുടെ കീഴിലുള്ള കോളജ് യൂനിയന്‍ തിരഞ്ഞെടുപ്പില്‍ ജില്ലയില്‍ എസ്.എഫ്.ഐക്ക് വന്‍ വിജയം. സംഘടനാടിസ്ഥാനത്തില്‍ തെരഞ്ഞെടുപ്പ് നടന്ന 26 കോളജില്‍ 24ലും യൂനിയന്‍ ഭരണം എസ്.എഫ്.ഐ നേടി. 20 കോളജുകളിലെ മുഴുവന്‍ ജനറല്‍ സീറ്റും എസ്.എഫ്.ഐ സ്വന്തമാക്കി.
വടക്കാഞ്ചേരി വ്യാസ കോളജില്‍ എതിരില്ലാതെയായിരുന്നു വിജയം. ചേലക്കര ഗവ. കോളജ് യൂനിയന്‍ കെ.എസ്.യുവില്‍നിന്ന് എസ്.എഫ്.ഐ പിടിച്ചെടുത്തു. 36 ല്‍ 31 യു.യു.സി സീറ്റും എസ്.എഫ്.ഐ നേടി.
തൃശൂര്‍ കേരളവര്‍മ, പനമ്പിള്ളി ഗവ. കോളജ് ചാലക്കുടി, ഗവ. കോളജ് കുട്ടനെല്ലൂര്‍, ചേലക്കര ഐ.എച്ച്.ആര്‍.ഡി, ചേലക്കര ആര്‍ട്‌സ് ആന്‍ഡ് സയന്‍സ്, ഗുരുവായൂര്‍ ശ്രീകൃഷ്ണ കോളജ്, എസ്.എന്‍ വഴക്കുംപാറ, ഐ.എച്ച്.ആര്‍.ഡി നാട്ടിക, പുല്ലൂറ്റ് കെ.കെ.ടി.എം, ശ്രീ ഗോകുലം ചേര്‍പ്പ് എന്നിവയില്‍ ക്ലാസ് പ്രതിനിധികളടക്കം എല്ലാ സീറ്റിലും എസ്.എഫ്.ഐ വിജയിച്ചു.
എം.ഒ.സി അക്കിക്കാവ്, പഴഞ്ഞി എം.ഡി, എല്‍ത്തുരുത്ത് സെന്റ് അലോഷ്യസ്, നാട്ടിക എസ്.എന്‍, എസ്.എന്‍.ജി.സി, ഇരിങ്ങാലക്കുട ക്രൈസ്റ്റ്, തരണനെല്ലുര്‍ കോളജ് ഇരിങ്ങാലക്കുട, സെന്റ് തെരേസാസ് മാള, സെന്റ് ജോസഫ് പാവറട്ടി, എം.ഇ.എസ് അസ്മാബി കോളജ് കൊടുങ്ങല്ലൂര്‍ എന്നിവിടങ്ങളില്‍ മുഴുവന്‍ സീറ്റും എസ്.എഫ്.ഐ നേടി.
മദര്‍ ആര്‍ട്‌സ് ആന്‍ഡ് സയന്‍സ് കോളജ് പെരുവല്ലുര്‍, നൈപുണ്യ കോളജ് ചാലക്കുടി എന്നിവിടങ്ങളില്‍ ഭരണം നേടിയപ്പോള്‍ ഒല്ലൂര്‍ വൈലോപ്പിള്ളി ഗവ. ആര്‍ട്‌സ് കോളജില്‍ എട്ട് ജനറല്‍ സീറ്റുകള്‍ എസ്.എഫ്.ഐ കരസ്ഥമാക്കി.