ദുബൈ:കൊല്‍ക്കത്ത നൈറ്റ് റൈഡേഴ്‌സും മുംബൈ ഇന്ത്യന്‍സും തമ്മിലുള്ള ഐ.പി.എല്‍ മത്സരത്തില്‍ ടോസ് നേടിയ കൊല്‍ക്കത്ത മുംബൈയെ ബാറ്റിങ്ങിനയച്ചു. സീസണിലെ ആദ്യ മത്സരത്തിനിറങ്ങുന്ന കൊല്‍ക്കത്തന്‍ നിരയില്‍ മലയാളി താരം സന്ദീപ് വാര്യര്‍ ആദ്യ ഇലവനില്‍ ഇടം പിടിച്ചു. ദിനേശ് കാര്‍ത്തിക് നയിക്കുന്ന ടീമില്‍ ആന്ദ്രേ റസ്സല്‍, ഓയിന്‍ മോര്‍ഗണ്‍, സുനില്‍ നരൈന്‍ എന്നീ വമ്പനടിക്കാരെ ഉള്‍പ്പെടുത്തിയിട്ടുണ്ട്. ശുഭ്മാന്‍ ഗില്‍, നിതീഷ് റാണ, നിഖില്‍ നായ്ക്ക്, പാറ്റ് കുമ്മിന്‍സ്, കുല്‍ദീപ് യാദവ്, ശിവം മാവി എന്നിവരാണ് മറ്റു താരങ്ങള്‍. അതേസമയം, ചെന്നൈക്കെതിരായ മത്സത്തില്‍ അണിനിരന്ന അതേ ടീമാണ് ഇത്തവണയും മുംബൈ നിരയില്‍ ഇറങ്ങുന്നത്. പരുക്കേറ്റ കോള്‍ട്ടര്‍നൈലിന് ഇനിയും കാത്തിരിക്കണം. രാത്രി 7.30നാണ് മത്സരം. സ്റ്റാര്‍ സ്‌പോര്‍ട്‌സില്‍ തത്സമയം കാണാം.