കൊല്‍ക്കത്ത: പശ്ചിമബംഗാളിലെ കൊല്‍ക്കത്തയില്‍ കോണ്‍ഗ്രീറ്റ് പാലം തകര്‍ന്നുവീണ് ഒരാള്‍ മരിച്ചു. ബെഹാല മേഖലയെ കൊല്‍ക്കത്തയുമായി ബന്ധിപ്പിക്കുന്ന മേജര്‍ഹട്ട് പാലത്തിന്റെ ഒരു ഭാഗമാണ് തകര്‍ന്നുവീണത്. അപകടത്തില്‍ 25 പേര്‍ക്കു പരുക്കേറ്റു.

നിരവധി വാഹനങ്ങള്‍ പാലത്തിന്റെ അവശിഷ്ടത്തിനിടയില്‍ കുടുങ്ങിയിട്ടുണ്ട്. 40 വര്‍ഷം പഴക്കമുള്ള പാലമാണ് തകര്‍ന്നുവീണത്. ആളുകള്‍ കുടുങ്ങിക്കിടക്കുന്നുണ്ടെന്ന സംശയത്തില്‍ തെരച്ചില്‍ തുടരുകയാണ്.