പൂച്ചാക്കല്‍:നിസാമിനെ കണ്ടെത്താന്‍ പ്രത്യേക അന്വേഷണ സംഘം രൂപീകരിക്കാന്‍ നടപടി വേണമെന്ന് കെ.സി. വേണുഗോപാല്‍ എം.പി.
പാണാവള്ളിതളിയാപറമ്പ് ക്ഷേത്രത്തില്‍ ഉത്സവം കാണാന്‍ പോകുന്നതിനിടെ കാണാതായ പാണാവള്ളിതോട്ടത്തില്‍ നികര്‍ത്തില്‍ താജുവിന്റെ മകന്‍ നിസ്സാമിനെ കണ്ടെത്താന്‍ പ്രത്യേക അന്വേഷണ സംഘം രൂപീകരിക്കാന്‍ നടപടി വേണമെന്ന് കെ.സി വേണുഗോപാല്‍ എം.പി മുഖ്യ മന്ത്രിയോടാവശ്യപ്പെട്ടു. കുട്ടിയെ കാണാതായി ഒരു മാസം പിന്നിട്ടിട്ടും അന്വേഷണം ഇഴഞ്ഞു നീങ്ങുകയാണ്, പോലീസ് പേരിനുമാത്രം ഈസംഭവം അന്വേഷിച്ചെന്നു വരുത്തി തീര്‍ക്കുകയായിരുന്നുവെന്ന് എംപി മുഖ്യമന്ത്രിക്കയച്ച കത്തില്‍ ചൂണ്ടിക്കാട്ടി.
പൊലിസിന്റെ അനാസ്ഥ അവസാനിപ്പിക്കുന്നതിനും കുട്ടിയെ കണ്ടെത്താന്‍ ശാസ്ത്രീയ അന്വേഷണമാര്‍ഗ്രങ്ങള്‍ സ്വീകരിക്കാന്‍ പൊലിസിന് നിര്‍ദേശം നല്‍കണമെന്നും എം.പി. ആവശ്യപ്പെട്ടു.നിസാമിന്റെ മാതാപിതാക്കളെ  സന്ദര്‍ശിച്ച എം.പി അന്വേഷണം ഊര്‍ജ്ജിതമാക്കാന്‍ ഇടപെടല്‍ ഉറപ്പുനല്‍കിയാണു മടങ്ങിയത്.