തിരുവനന്തപുരം: ചെറുപ്പക്കാര്‍ക്ക് കൊവിഡ് അപകടകരമാകില്ലെന്ന അമിത ആത്മവിശ്വാസം ഒഴിവാക്കണമെന്ന് മുഖ്യമന്ത്രി.

ചെറുപ്പക്കാര്‍ക്കിടയില്‍ കൊവിഡ് മൂലമുള്ള മരണം കൂടുന്നുണ്ട്. പ്രായം കുറഞ്ഞവരില്‍ മരണസാധ്യത വളരെ കുറവാണെങ്കിലും രോഗികളുടെ എണ്ണം കൂടുമ്പോള്‍ അതിനനുസരിച്ച് ആനുപാതികമായ മരണങ്ങളും ഉണ്ടാവുകയാണ്. യുവാക്കള്‍ക്കിടയിലെ കൊവിഡ് മരണം 0.1 ശതമാനം ആണെങ്കില്‍ പോലും 10000 പേര്‍ക്ക് രോഗബാധയുണ്ടായാല്‍ 10 പേരും ഒരു ലക്ഷമായാല്‍ 100 പേരും മരിക്കുന്ന സാഹചര്യമുണ്ടാകുമെന്നും മുഖ്യമന്ത്രി പറഞ്ഞു.