മക്ക: അടുത്ത മാസം നാല് മുതൽ പുനരാരംഭിക്കുന്ന ഉംറ തീർത്ഥാടനവും മദീന സിയാറയും സുഖമമാക്കാൻ സഊദി ഹജ്ജ് ഉംറ മന്ത്രാലയത്തിന്റെ 'ഇഅ്തമർനാ' മൊബൈൽ ആപ്ലിക്കേഷൻ ഉടൻ സജ്ജമാകും. തീർത്ഥാടകർക്ക് വ്യക്തമായ മാർഗ്ഗ നിർദേശങ്ങൾ നൽകുന്ന പുതിയ ആപ്ലിക്കേഷൻ ഈ മാസം 27 മുതൽ പ്രവർത്തന സജ്ജമാകുമെന്ന് ബന്ധപ്പെട്ട വൃത്തങ്ങൾ അറിയിച്ചു. സഊദി അതോറിറ്റി ഫോർ ഡാറ്റ ആൻഡ് ആർട്ടിഫിഷ്യൽ ഇൻറലിജൻസിെൻറ (സദായ) സഹായത്തോടെ വികസിപ്പിച്ച ആപ്പ് വഴിയായിരിക്കും തീർത്ഥാടകർക്ക് ഉംറ തീർത്ഥാടനത്തിനും മദീന സിയാറത്തിനും പെർമിഷൻ ലഭ്യമാകലും സമയ ക്രമീകരണം ലഭിക്കുന്നതും. കൊവിഡ് മുക്തനാണെന്ന് ഉറപ്പുവരുത്തുന്നതിന് 'തവക്കൽനാ' ആപ്ലിക്കേഷനുമായിബന്ധിപ്പിച്ചായിരിക്കും ഇഅ്തമർനാ പ്രവർത്തിക്കുക.

    ഗൂഗ്ൾ പ്ലേ, ആപ്പിൾ സ്റ്റോർ എന്നിവയിൽനിന്ന് ഡൗൺലോഡ് ചെയ്ത് മൊബൈൽ ഫോണുകളിൽ ഇൻസ്റ്റാൾ ചെയ്ത് ഉപയോഗിക്കാം. ഉംറ തീർത്ഥാടനവും മക്ക, മദീന സന്ദർശനവും ആരോഗ്യ മുൻകരുതൽ ചട്ടങ്ങൾ പാലിച്ചും സമയബന്ധിതവും വ്യവസ്ഥാപിതവുമായി നടത്തുന്നതിന് ആവശ്യമായ കാര്യങ്ങൾ ഈ ആപ് വഴിയായിരിക്കും ലഭ്യമാകുക. കൊവിഡ് മഹാമാരി വ്യാപനം തടയുന്നതിനയെ ഭാഗമായി ഈ വർഷം ഫെബ്രുവരി 27ന് നിർത്തിവെച്ച ഉംറ തീർഥാടനവും മദീന സിയാറയും ഒക്ടോബർ നാലിന് പുനരാരംഭിക്കുമെന്ന് കഴിഞ്ഞ ദിവസം ആഭ്യന്തര മന്ത്രാലയം അറിയിച്ചിരുന്നു. തീര്ഥാടകനും സന്ദർശകനും കൊറോണ വൈറസിൽ നിന്ന് മുക്തനാണെന്ന് ഉറപ്പ് നൽകുന്നതുൾപ്പെടെ നിരവധി നടപടിക്രമങ്ങൾ ഉൾക്കൊള്ളുന്നതയായിരിക്കും ആപ്പ് എന്ന് ഹജ്ജ് ഉംറ മന്ത്രാലയം അറിയിച്ചു.

    ഉംറ തീർത്ഥാടനവും, മക്ക, മദീന സിയാറത്തും നാല് ഘട്ടങ്ങളായാണ് പുനഃരാരംഭിക്കുക. ആദ്യ ഘട്ടത്തിൽ 6000 പേർക്കും 18 നു തുടങ്ങുന്ന രണ്ടാം ഘട്ടത്തിൽ പതിനയ്യായിരം ഉംറ തീർത്ഥാടകരെയും നാൽപതിനായിരം ഹറം സന്ദര്ശകരേയും നവംബർ ഒന്നിന് ആരംഭിക്കുന്ന മൂന്നാം ഘട്ടത്തിൽ വിദേശ ഉംറ തീര്ഥാടകരെയുമാണ് അനുവദിക്കുക. നിലവിലെ പശ്ചാത്തലത്തിൽ ലഭ്യമായ തീയതികൾക്കനുസരിച്ച് തീർഥാടകന് ഉചിതമായ സമയവും മറ്റു സേവനങ്ങളും തെരഞ്ഞെടുക്കാനാകുമെന്നും അധികൃതർ അറിയിച്ചു. ഈ സമയ ക്രമീകരണം പാലിച്ചായിരിക്കണം തീർത്ഥാടകർ ഉംറയും സിയാറയും പൂർത്തീകരിക്കേണ്ടത്