പൂച്ചാക്കല്‍: ക്യാംപില്‍ കഴിഞ്ഞവര്‍ക്ക് സര്‍ക്കാര്‍ നല്‍കുന്ന അവശ്യസാധന കിറ്റ് വിതരണം തൈക്കാട്ടുശേരി ബ്ലോക്ക് പഞ്ചായത്ത് പ്രദേശത്ത് ആരംഭിച്ചു. അരി, പഞ്ചസാര, തേയില, വസ്ത്രം തുടങ്ങിയവയാണ് കിറ്റിലുള്ളത്. അതത് വില്ലേജ് ഓഫിസുകളുടെ നേതൃത്വത്തില്‍ നിശ്ചയിച്ചിട്ടുള്ള കേന്ദ്രങ്ങളിലാണ് വിതരണം. ദുരിതബാധിതര്‍ കഴിഞ്ഞ ക്യാംപുകളുടെ പേര് അനുസരിച്ചാണ് ദിവസവും സമയവും അറിയിക്കുന്നത്.
അരൂക്കുറ്റി ഗവ.യു.പി സ്‌കൂളിലെ ക്യാംപുകാര്‍ക്കുള്ളത് വിതരണം ചെയ്തു. നദുവത്തുല്‍ യു.പി സകൂളിലെ ക്യാംപുകാര്‍ക്കുള്ള വിതരണം ഇന്ന് വില്ലേജ് ഓഫിസില്‍ നടക്കും. തളിയാപറമ്പ് ഗവ. എല്‍.പി.എസിലെ ക്യാംപുകാര്‍ക്കുള്ള കിറ്റ് വിതരണം ഇന്ന് രണ്ടിന് കമ്യൂണിറ്റി ഹാളിലും പള്ളിവെളി, ശ്രീകണ്‌ഠേശ്വരം സ്‌കൂളിലെ ക്യാംപുകാര്‍ക്കുളളത് നാളെയും നടക്കും. തൈക്കാട്ടുശേരി സ്രാമ്പിക്കല്‍ സെന്റ് മേരീസ് എല്‍.പി.എസിലെ ക്യാംപുകാര്‍ക്ക് ഇന്ന് മൂന്നു മുതല്‍ വില്ലേജ് ഓഫിസില്‍വച്ച് വിതരണം ചെയ്യും.