അമ്പിലേരിയില്‍ ശ്രീ. ഓംകാരനാഥന്‍ മള്‍ട്ടിപര്‍പ്പസ് ഇന്‍ഡോര്‍ സ്റ്റേഡിയം നിര്‍മാണം പുരോഗമിക്കുന്നു. കല്‍പ്പറ്റ നഗരസഭയുടെ കൈവശമുള്ള അമ്പിലേരിയിലെ നാലേക്കര്‍ സ്ഥലത്ത് രാജ്യാന്തര നിലവാരത്തോടെ 40 കോടി രൂപ ചെലവിലാണ് ഇന്‍ഡോര്‍ സ്റ്റേഡിയം നിര്‍മിക്കുന്നത്. നിലവില്‍ ഒന്നാംഘട്ടത്തിന്റെ നിര്‍മാണമാണ് നടക്കുന്നത്. 36.86 കോടിയുടെ സാങ്കേതിക അനുമതി ലഭിക്കുകയും പ്രവൃത്തികള്‍ 40 ശതമാനം പൂര്‍ത്തീകരിക്കുകയും ചെയ്തു. സ്റ്റേഡിയത്തില്‍ 5000 പേരെ ഉള്‍ക്കൊള്ളാനാകും.
11 ഗെയിംസ് ഇനങ്ങളില്‍ ഒരേസമയം പരിശീലനം നടത്താനുള്ള സൗകര്യം ഇവിടെയുണ്ടാകും.

ബാസ്‌ക്കറ്റ്ബാള്‍ കോര്‍ട്ട്, വോളിബാള്‍ കോര്‍ട്ട്, മൂന്നു ഷട്ടില്‍ ബാഡ്മിന്റണ്‍ കോര്‍ട്ടുകള്‍, മൂന്ന് ടേബിള്‍ ടെന്നിസ് കോര്‍ട്ടുകള്‍, ജൂഡോ, ത്വയ്‌കോന്‍ഡോ, ഗുസ്തി, ഷൂട്ടിങ് റേഞ്ച് എന്നിവയും ചുറ്റുവശങ്ങളിലായി ഗാലറിയും ഒരുക്കും.