ബര്‍ലിന്‍: മ്യൂണിക് ഒളിംപിക് സ്റ്റേഡിയത്തിനു സമീപം ഒന്‍പതു പേരുടെ മരണത്തിന് ഇടയാക്കിയ വെടിവയ്പ്പിന്റെ പ്രതി പതിനെട്ട് വയസുകാരെനെന്ന് പൊലിസ്. ഒളിംപിക് വ്യാപാര സമുച്ചയത്തിലായിരുന്നു വെടിവയ്പ്പ് ഉണ്ടായത്. വെടിവയ്പ്പ് നടന്നതിന് ഒരു കിലോമീറ്റര്‍ അകലെ കണ്ടെത്തിയ മൃതദേഹം അക്രമിയുടേതെന്നു പൊലിസ് സ്ഥിരീകരിച്ചു. ആക്രമണത്തിനു ശേഷം സ്വയം വെടിയുതിര്‍ത്തെതന്നാണ് പൊലിസ് നിഗമനം. ജര്‍മന്‍, ഇറാന്‍ പൗരത്വമുള്ള ഇയാള്‍ മുന്‍പ് ഒരുകേസിലും പ്രതിയായിട്ടില്ലെന്നും ഭീകരാക്രമണമാണെന്ന് സംശയിക്കുന്നതായും പൊലിസ് പറഞ്ഞു.