റിയാദ്: സഊദി അറേബ്യയില്‍ സമസ്ത കേരള ജംഇയ്യത്തുല്‍ ഉലമയുടെ അംഗീകാരത്തോടെ പ്രവര്‍ത്തിക്കുന്ന സംഘടന സമസ്ത ഇസ്ലാമിക് സെന്റര്‍ (എസ്.ഐ.സി) മാത്രമാണെന്ന് സമസ്ത കേരള ജംഇയ്യത്തുല്‍ ഉലമ അറിയിച്ചു. എസ്.ഐ.സിക്ക് അല്ലാതെ സമസ്തയുടെയോ, പോഷക സംഘടനയുടെയോ അംഗീകാരം ഉണ്ടായിരിക്കുന്നതല്ല. റിയാദില്‍ പ്രവര്‍ത്തിക്കുന്ന കോഴിക്കോട് ജില്ലാ മുസ്‌ലിം ഫെഡറേഷന് (കെ.ഡി.എം.എഫ്) സമസ്തയുമായോ, പോഷക സംഘടനകളുമായോ യാതൊരുവിധ സംഘടനാ ബന്ധവും ഇല്ലെന്ന് സമസ്ത മുശാവറ വ്യക്തമാക്കിയതായി എസ്. ഐ. സി ജനറല്‍ സിക്രട്ടറി അറിയിച്ചു.