കോതമംഗലം: നേര്യമംഗലം വാളറ ആവറൂട്ടി ചപ്പാത്തിനടുത്ത് ഒരു പിടിയാന ചെരിഞ്ഞു. കുട്ടമ്പുഴ നേര്യമംഗലം റെയിഞ്ചിന്റ അതിര്‍ത്തി പ്രദേശമായ ആവറൂട്ടി ചപ്പാത്തിനടുത്ത് ഉദ്ദേശം 9 വയസ് പ്രായം വരുന്ന പിടിയാനയുടെ ജഡമാണ് വനപാലകര്‍ കണ്ടെത്തിയത്. തുടര്‍ന്ന് ഡെപ്യുട്ടി ഇന്‍ചാര്‍ജ് ടി. വി മുരളിയുടെ നേതൃത്വത്തില്‍ ഡോ. സി.എസ് അരുണ്‍്, അസിസ്റ്റന്റ് ഫോറസ്റ്റ് വെറ്റിനറി ഓഫിസര്‍ പോസ്റ്റ് മോര്‍ട്ടം നടത്തുകയും ഇന്നലെ വൈകിട്ട് അഞ്ചോടെ ജഡം ദഹിപ്പിക്കുകയും ചെയ്തു. ശ്വാസകോശത്തിലുണ്ടായ അണുബാധയാണ് മരണ കാരണമെന്നാണ് പോസ്റ്റ് മോര്‍ട്ടം റിപ്പോര്‍ട്ട്.