കുറ്റ്യാടി: പ്രളയബാധിതര്‍ക്കായി കേരളം ഓരേ മനസോടെ കൈകോര്‍ക്കുമ്പോള്‍ നജാഫാത്തിമയും അനുശ്രീയും പ്രസ്തുത സദുദ്യമത്തില്‍ ഭാഗവാക്കായത് തങ്ങളുടെ പ്രിയപ്പെട്ടവര്‍ക്ക് നല്‍കി.
അടുക്കത്ത് എം.എ.എം യു.പി സ്‌കൂള്‍ വിദ്യാര്‍ഥികളായ നജ ഫാത്തിമ തന്റെ സ്വര്‍ണകമ്മലും അനുശ്രീ ഒരു വര്‍ഷമായ സമ്പാദ്യ കുടുക്കയില്‍ സൂക്ഷിച്ച തുകയുമാണ് നല്‍കിയത്. സ്‌കൂള്‍ അസംബ്ലിയില്‍ പ്രളയത്തെ കുറിച്ചുള്ള കാര്യങ്ങളും ജീവകാരുണ്യ പ്രവര്‍ത്തനത്തെ കുറിച്ചും പ്രധാനാധ്യാപിക സംസാരിച്ചപ്പോള്‍ കുട്ടികള്‍ സ്വയം ഫണ്ടിലേണ്ട് കൊണ്ടു വന്നതാണ് ഈ സമ്പാദ്യങ്ങള്‍.
കമ്മലും തുകയും സ്‌കുള്‍ അസംബ്ലിയില്‍ വച്ച് മരുതോങ്കര പഞ്ചായത്ത് പ്രസിഡന്റ് കെ.എം സതി ഏറ്റുവാങ്ങി. ഇരുവരെയും ചടങ്ങില്‍ അനുമോദിച്ചു. പ്രധാനാധ്യാപിക കെ.സി സുമതി, അബ്ദുല്ല സല്‍മാന്‍, സി.പി അശോകന്‍, റസ്മിന ഷെറിന്‍ സംസാരിച്ചു. നജഫാത്തിമ വേളം അരമ്പോലില്‍ അബ്ദുസ്സമദിന്റെയും അനുശ്രീ അടുക്കത്ത് നടുക്കണ്ടി രാജീവന്റെയും മകളാണ്.