ജിദ്ദ: സഊദിയിലെ കിഴക്കന്‍ പ്രവിശ്യയിലെ ഖത്തീഫില്‍ സുരക്ഷാ സൈനികരുമായുണ്ടായ ഏറ്റുമുട്ടില്‍ ഭീകരരെന്നു സംശയിക്കുന്ന എട്ടു പേര്‍ കൊല്ലപ്പെട്ടു. ഖത്തീഫിലെ താറുത്തിലാണ് സംഭവം. ശിയാക്കള്‍ക്ക് സ്വാധീനമുള്ള സ്ഥലത്ത് ആക്രമണത്തിനു തയ്യാറെടുക്കുന്ന വിവരമറിഞ്ഞ് സ്ഥലത്തെത്തിയ സുരക്ഷാ സൈനികര്‍ ഒരാളെ കൊലപ്പെടുത്തിയപ്പോള്‍ വെടിവയ്പുണ്ടായെന്നും എട്ടുപേര്‍ കൊല്ലപ്പെട്ടതായും സഊദി വാര്‍ത്താ ഏജന്‍സികള്‍ അറിയിച്ചു.
സനാബിയയിലെ റസിഡന്റ് ഏരിയയില്‍ ശനിയാഴ്ച രാത്രിയാണു സംഭവം. കീഴടങ്ങാന്‍ ആവശ്യപ്പെട്ടെങ്കിലും പ്രതികരിക്കാതെ വെടിയുതിര്‍ത്തതിനാലാണ് കൊലപ്പെടുത്തിയതെന്ന് സൈനിക വക്താക്കള്‍ അറിയിച്ചു.