തലശ്ശേരി: കോടതി നിര്‍ദേശപ്രകാരം തലശ്ശേരി എരഞ്ഞോളിപ്പാലത്തിന് സമീപത്തെ ആഫ്റ്റര്‍ കെയര്‍ ഹോമില്‍ താമസിപ്പിച്ച രണ്ട് കുട്ടികള്‍ മുങ്ങി.
ചെറുപുഴ പൊലിസ് ചാര്‍ജ് ചെയ്ത കേസിലെ കുട്ടികുറ്റവാളികളെയാണ് വ്യാഴാഴ്ച രാത്രി മുതല്‍ കാണാതായതായത്. ആഫ്റ്റര്‍ കെയര്‍ ഹോം സൂപ്രണ്ട് തലശ്ശേരി പൊലിസില്‍ പരാതി നല്‍കി. ആര്‍മി കുന്നിലെ 17 വയസുള്ള കുട്ടികളെയാണ് കാണാതായത്. മൂന്ന് കുട്ടികള്‍ ഒരു മുറിയില്‍ കിടന്നുറങ്ങിയതായിരുന്നു.
രാത്രി വൈകി രണ്ടുപേരെ കാണാതായതായി മൂന്നാമന്‍ വാര്‍ഡനെ അറിയിക്കുകയായിരുന്നു. നേരത്തെയും ഇവിടെ നിന്ന് അന്തേവാസികള്‍ ഒളിച്ച് കടന്നിരുന്നു.