തൊടുപുഴ: മൂന്നാമത് ജില്ലാ വടംവലി മസതരം 30ന് കരിങ്കുന്നം സെന്റ് അഗസ്റ്റിന്‍സ് ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ നടത്തും. കേരള ഒളിമ്പിക്‌സ് അസോസിയേഷനും കേരള സ്‌പോര്‍ട്‌സ് കൗണ്‍സിലും വടംവലി അസോസിയേഷനും സംയുക്തമായി നടത്തുന്ന മത്സരത്തില്‍ ജൂനിയര്‍, സബ് ജൂനിയര്‍, കിഡീസ്, മിനി-കിഡീസ് എന്നീ വിഭാഗങ്ങളിലായി സ്‌കൂള്‍, കോളജ്, ക്ലബുകള്‍ എന്നിവിടങ്ങളില്‍നിന്നുള്ള ടീമുകള്‍ക്ക് പങ്കെടുക്കാം. എട്ടുപേര്‍ അടങ്ങുന്നതാണ് ഒരു ടീം. മത്സരത്തില്‍ പങ്കെടുക്കാന്‍ താല്‍പര്യമുള്ള ടീമുകള്‍ 28ന് മുമ്പായി ടീം അംഗങ്ങളുടെ പേര് അടങ്ങുന്ന എന്‍ട്രികള്‍ ജില്ലാ വടം വലി അസോസിയേഷന്‍ പ്രസിഡന്റ് ജോസഫ് ബിനോയിയെ ഏല്‍പ്പിക്കണം. ഫോണ്‍: 9447876339.