കല്‍പ്പറ്റ: കമ്പളക്കാട് പൊലിസ് സ്റ്റേഷന്‍ പരിധിയില്‍ 17കാരിയെ പീഡിപ്പിച്ച് ഗര്‍ഭിണിയാക്കിയ സംഭവത്തില്‍ യുവാവ് അറസ്റ്റിലായി. 17കാരിയെ 20കാരനായ ഇയാള്‍ വിവാഹ വാഗ്ദാനം ചെയ്തു പീഡിപ്പിച്ച് ഗര്‍ഭിണിയാക്കിയെന്ന പരാതിയിലാണ് അറസ്റ്റ്. കഴിഞ്ഞ ജനുവരി മുതല്‍ പെണ്‍കുട്ടിയെ പീഡിപ്പിച്ച് വന്നതായാണ് പരാതി.
ഗര്‍ഭിണിയായ പെണ്‍കുട്ടിക്ക് നിര്‍ബന്ധിച്ച് പച്ചമരുന്ന് നല്‍കി ഗര്‍ഭഛിദ്രത്തിനു ശ്രമിച്ചതായും പരാതിയില്‍ പറയുന്നു. കമ്പളക്കാട് പൊലിസ് ഇന്‍സ്‌പെക്ടര്‍ സിബി തോമസ്, സി.പി.ഒ ദിലീപ് കുമാര്‍, വുമണ്‍ സി.പി.ഒ രഞ്ജിത പദ്മം എന്നിവരുടെ നേതൃത്വത്തിലാണ് പ്രതിയുടെ അറസ്റ്റ് രേഖപ്പെടുത്തിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.