കരുവാരകുണ്ട്: വാഹന മോഷ്ടാക്കളായ രണ്ടു പേരെ കരുവാരകുണ്ട് പൊലിസ് പിടികൂടി. തിരുന്നാവായ ചെമ്മല വീട്ടില്‍ അബ്ദുല്‍ സലിം (34), കരുവാരകുണ്ട് നീലാഞ്ചേരി പോട്ടേക്കല്‍ ഫവാസ് (19) എന്നിവരെയാണ് പിടികൂടിയത്.
മോഷ്ടിച്ച പത്തോളം വാഹനങ്ങളും ഇവരില്‍നിന്നു പിടിച്ചെടുത്തു. വെള്ളിയാഴ്ച രാത്രി നടന്ന പരിശോധനയ്ക്കിടെ തുവ്വൂരില്‍നിന്നാണ് ഇവരെ പിടികൂടിയത്. ജില്ലയിലെ വിവിധ ഭാഗങ്ങളായ മുണ്ടുപറമ്പ്,പെരിന്തല്‍മണ്ണ, മലപ്പുറം, ഇരിങ്ങാട്ടിരി, പാണ്ടിക്കാട്, വേങ്ങര എന്നിവിടങ്ങളില്‍നിന്നായി രണ്ട് ഓട്ടോറിക്ഷകളും എട്ടു ബൈക്കുകളുമാണ് ഇവര്‍ മോഷ്ടിച്ചത്.
വാഹന മോഷണത്തിനു പുറമേ, വാഹനങ്ങളിലെ ബാറ്ററികളും ടയറുകളും ഇവര്‍ മോഷണം നടത്തി വില്‍പന നടത്തിയതായി പൊലിസ് പറഞ്ഞു.