തിരുവനന്തപുരം: വിവാദമായ വടക്കാഞ്ചേരി ലൈഫ് മിഷന്‍ പദ്ധതിയുമായി ബന്ധപ്പെട്ട് സെക്രട്ടേറിയറ്റില്‍ വിജിലന്‍സ് പരിശോധന നടത്തി. സി.ബി.ഐ കേസെടുത്ത് പരിശോധന തുടങ്ങിയതിന് തൊട്ടു പിന്നാലെയാണ് വിജിലന്‍സ് സെക്രട്ടേറിയറ്റിലെ തദ്ദേശ സ്വയംഭരണ വകുപ്പ് ഓഫിസിലെത്തി പരിശോധന നടത്തിയത്.

വൈകിട്ട് ആറ് മണിയോടെയാണ് വിജിലന്‍സ് സംഘം സെക്രട്ടേറിയറ്റില്‍ പരിശോധനയ്ക്ക് എത്തിയത്. ഓഫിസ് സമയം കഴിഞ്ഞതിന് ശേഷമായിരുന്നു പരിശോധന. കോട്ടയം യൂനിറ്റ് എസ്.പി വിനോദ് കുമാറിന്റെ നേതൃത്വത്തിലാണ് അന്വേഷണം. കേസ് സി.ബി.ഐ എറ്റെടുക്കും എന്ന സൂചന കിട്ടിയതിനെ തുടര്‍ന്നാണ് സര്‍ക്കാര്‍ വിജിലന്‍സ് അന്വേഷണം പ്രഖ്യാപിച്ചതെന്ന് പ്രതിപക്ഷം ആരോപിച്ചിരുന്നു.