മലപ്പുറം: ജില്ലയില്‍ കുട്ടികള്‍ക്കു പ്രതിരോധ കുത്തിവയ്പ് ഉറപ്പുവരുത്തുന്നതിനു മെയ് എട്ടു മുതല്‍ 16വരെ പ്രതിരോധ കുത്തിവയ്പ് വാരമായി ആചരിക്കാന്‍ കലക്ടറേറ്റില്‍ നടന്ന മിഷന്‍ ഇന്ദ്രധനുസ് ടാസ്‌ക് ഫോഴ്‌സ് യോഗം തീരുമാനിച്ചു. എ.ഡി.എം വി. രാമചന്ദ്രന്‍ അധ്യക്ഷനായി. പ്രതിരോധ കുത്തിവയ്‌പെടുക്കാത്ത കുട്ടികളെ കേന്ദ്രീകരിച്ച് അവര്‍ക്ക് വാക്‌സിന്‍ നല്‍കുകയാണ് ലക്ഷ്യം. മിഷന്‍ ഇന്ദ്രധനുസിന്റെ നാലാംഘട്ടത്തില്‍ പ്രാധാന്യം നല്‍കേണ്ട മേഖലകളെക്കുറിച്ച് യോഗം ചര്‍ച്ച ചെയ്തു.