മലപ്പുറം: ജില്ലയില്‍ ദുരന്തനിവാരണത്തിന്റെ ഭാഗമായി കലക്ടര്‍ പുറപ്പെടുവിച്ച ഖനന നിരോധനം മറ്റെല്ലാ ജില്ലകളിലും പിന്‍വലിച്ചിട്ടും മലപ്പുറത്ത് പിന്‍വലിക്കാത്തില്‍ പ്രതിഷേധിച്ച് ഇന്നു മുതല്‍ ജില്ലയിലെ എല്ലാ ക്രഷറുകളുടെ പ്രവര്‍ത്തനവും വില്‍പനയും നിര്‍ത്തിവയ്ക്കാന്‍ ആള്‍ കേരള ക്രഷര്‍ ഓണേഴ്‌സ് അസോസിയേഷന്‍ ജില്ലാ ജനറല്‍ ബോഡി യോഗം തീരുമാനിച്ചു. യോഗം സംസ്ഥാന സെക്രട്ടറി കെ.എം കോയാമു ഉദ്ഘാടനം ചെയ്തു. കെ.ബി അബ്ദുറഹ്മാന്‍ അധ്യക്ഷനായി.