രജൗറി: നിയന്ത്രണരേഖ മറികടന്ന പാക് ബാലനെ സൈന്യം പിടികൂടി. ഇന്നലെ വൈകീട്ടായിരുന്നു സംഭവം. അതിര്‍ത്തിയില്‍ പതിവ് പെട്രോളിങ്ങിനിടെ  സംശയാസ്പദമായ സാഹചര്യത്തില്‍ കണ്ടെത്തിയതിനെ തുടര്‍ന്നാണ് സൈന്യം പിടികൂടിയത്. പന്ത്രണ്ടുകാരനെ തിരിച്ചറിഞ്ഞു. അഷ്ഫാഖ് അലി ചൗഹാന്‍ എന്നാണ് ബാലന്റെ പേര്. പാക് സൈനികനായ ഹുസൈന്‍ മാലിക്കിന്റെ മകനാണ്.

ഇന്ത്യയിലേക്ക് നുഴഞ്ഞുകയറുന്നതിനായി പാക് സൈന്യത്തിന് സഹായം ചെയ്യുന്നതിനാണ് ബാലന്‍ എത്തിയതെന്ന് സൈന്യം സംശയിക്കുന്നു. കൂടുതല്‍ അന്വേഷണത്തിനായി സൈന്യം പന്ത്രണ്ടുകാരനെ പൊലിസിനു കൈമാറി.