ചെറുപുഴ: പയ്യന്നൂര്‍-ചെറുപുഴ റോഡില്‍ മച്ചിയില്‍ ഇറക്കത്തില്‍ ഓവുചാലില്‍ കക്കൂസ് മാലിന്യം തള്ളി. പ്രദേശവാസികള്‍ ദുരിതത്തിലായി. കനത്ത ദുര്‍ഗന്ധത്തെ തുടര്‍ന്ന് കുട്ടികള്‍ ഉള്‍പ്പെടെയുള്ളവര്‍ ബുദ്ധിമുട്ടിലായി. രാത്രിയില്‍ മാലിന്യം ടാങ്കര്‍ ലോറിയില്‍ തള്ളിയതാണെന്നും സംശയിക്കുന്നു. 300 മീറ്ററോളം ഭാഗത്ത് മാലിന്യം ഒഴുക്കിയിട്ടുണ്ട്.
ചെറുപുഴ എസ്.ഐ എം.എന്‍.ബിജോയിയും സംഘവും സ്ഥലത്തെത്തി. സമീപത്തെ സ്ഥാപനങ്ങളിലെ സി.സി.ടി.വി ദൃശ്യങ്ങള്‍ പൊലിസ് ശേഖരിച്ചിട്ടുണ്ട്. വിവരം അറിയിച്ചിട്ടും ആരോഗ്യ വകുപ്പ് അധികൃതര്‍ സ്ഥലത്തെത്താന്‍ താമസിച്ചെന്ന് നാട്ടുകാര്‍ ആരോപിച്ചു.