മുംബൈ: ബോളിവുഡ് നടന്‍ സുശാന്ത് സിങ് രാജ്പുതിന്റെ മരണവുമായി ബന്ധപ്പെട്ട ലഹരിക്കേസില്‍ പ്രമുഖ നടി ദീപിക പാദുക്കോണിന്റെ മാനേജര്‍ കരിഷ്മ പ്രകാശ്, നടി രാകുല്‍പ്രീത് സിങ് എന്നിവരെ നാര്‍കോട്ടിക് കണ്‍ട്രോള്‍ ബ്യൂറോ ചോദ്യം ചെയ്തു. ദീപികയടക്കം പ്രമുഖരെ അടുത്ത ദിവസങ്ങളില്‍ ചോദ്യം ചെയ്യുമെന്നാണ് വിവരം.
ലഹരിക്കേസില്‍ നടി റിയ ചക്രവര്‍ത്തി നേരത്തെ അറസ്റ്റിലായിരുന്നു. ജുഡീഷ്യല്‍ കസ്റ്റഡിയിലുള്ള ഇവരുടെ ജാമ്യാപേക്ഷ പരിഗണിക്കുന്നത് ബോംബെ ഹൈക്കോടതി ഈ മാസം 29ലേക്കു മാറ്റിയിരുന്നു. കേസില്‍ ദീപികാ പാദുക്കോണ്‍, സാറാ അലി ഖാന്‍, ശ്രദ്ധ കപൂര്‍ എന്നിവരോടും ചോദ്യം ചെയ്യലിന് ഹാജരാകാന്‍ അന്വേഷണ സംഘം നിര്‍ദേശിച്ചിരുന്നു. ബോളിവുഡിലെ ലഹരി കൈമാറ്റവുമായി ദീപികയ്ക്കു വലിയ ബന്ധമുണ്ടെന്നാണ് അന്വേഷണ സംഘം പറയുന്നത്.