തൃശൂര്‍: തൃശൂര്‍ പൂരം ഇന്ന് സമാപിക്കും. 36 മണിക്കൂര്‍ നീണ്ട പൂരാവേശത്തിനൊടുവില്‍ ഇന്ന് ഉച്ചയ്ക്ക് 12 മണിയോടെ പാറമേക്കാവ്, തിരുവമ്പാടി ഭഗവതിമാര്‍ തമ്മില്‍ ഉപചാരം ചൊല്ലി പിരിയുന്ന തോടെ തൃശൂര്‍ പൂരം കൊടിയിറങ്ങും. കനത്ത സുരക്ഷാ വലയത്തില്‍ നടക്കുന്ന പൂരത്തില്‍, ഇന്ന് നടക്കുന്ന പകല്‍പ്പൂരമാണ് തൃശൂരുകാരുടെ പൂരമായി കാണുന്നത്. ഇന്നലെവൈകീട്ട് 5.30ഓടെയാണ് കുടമാറ്റം ആരംഭിച്ചത്. ഇരുവശത്തുമായി ഇരുക്ഷേത്രങ്ങളുടെയും 15 വീതം ആനകള്‍ അണിനിരന്നതോടെ ചടങ്ങുകള്‍ക്ക് തുടക്കമായി. പെരുവനം കുട്ടന്‍മാരാരുടെ നേതൃത്വത്തിലായിരുന്നു ഇലഞ്ഞിത്തറ മേളവും പുലര്‍ച്ചെ നടന്ന വെടിക്കെട്ടും ആസ്വാദകര്‍ക്ക് വിരുന്നായി. കര്‍ശന മാനദണ്ഡങ്ങള്‍ പാലിച്ചായിരുന്നു വെടിക്കെട്ട് നടത്തിയത്.