കൊച്ചി: വയലിനിസ്റ്റ് ബാലഭാസ്‌കറിന്റെ അപകടമരണ കേസുമായി ബന്ധപ്പെട്ട് സി.ബി.ഐ നടത്തുന്ന നുണപരിശോധന കൊച്ചിയില്‍ പുരോഗമിക്കുന്നു. സംഭവത്തില്‍ ദൃക്‌സാക്ഷിയെന്ന് അവകാശപ്പെടുന്ന കലാഭവന്‍ സോബി, ബാലഭാസ്‌കറിന്റെ മാനേജര്‍ ആയിരുന്ന വിഷ്ണു സോമസുന്ദരം എന്നിവരുടെ നുണപരിശോധനയാണ് നടക്കുന്നത്.

വിഷ്ണു സ്വര്‍ണക്കടത്തുകേസിലെ പ്രതിയാണ്. ബാലഭാസ്‌കറിനെ സ്വര്‍ണക്കടത്തുസംഘം അപായപ്പെടുത്തിയെന്ന് ബന്ധുക്കള്‍ പരാതി ഉന്നയിച്ച സാഹചര്യത്തിലാണ് വിഷ്ണുവിനെ നുണപരിശോധനയ്ക്ക് വിധേയനാകുന്നത്. ബാലഭാസ്‌കറിന്റെ പണമിടപാടുകളും മറ്റും അന്വേഷണ സംഘം പരിശോധിച്ചിരുന്നു.

നുണ പരിശോധനാ ഫലങ്ങള്‍ കേസ് അന്വേഷണത്തില്‍ നിര്‍ണായകമാകും എന്നാണ് വിലയിരുത്തല്‍. ബാലഭാസ്‌കറിന്റെ മറ്റൊരു മാനേജറായിരുന്ന പ്രകാശ് തമ്പി, ഡ്രൈവറായിരുന്ന അര്‍ജുന്‍ എന്നിവരുടെ പരിശോധന ഇന്നലെ നടത്തിയിരുന്നു.