നീലേശ്വരം: സമസ്ത ജില്ലാ കമ്മിറ്റിയുടെ കീഴില്‍ നീലേശ്വരം കണിച്ചിറയില്‍ പ്രവര്‍ത്തിച്ചു വരുന്ന മര്‍കസ് ദഅവത്തില്‍ ഇസ്‌ലാമിയക്ക് കീഴില്‍ ശരീഅത്ത് കോളജ്, തഹ്ഫീളുല്‍ ഖുര്‍ആന്‍ കോളജിനു വേണ്ടി നിര്‍മിക്കുന്ന ബ്ലോക്കിന്റെ കുറ്റിയടിക്കല്‍ കര്‍മം സമസ്ത വൈസ് പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിച്ചു. മര്‍കസ് പ്രസിഡന്റ് ഇ.കെ മഹ്മൂദ് മുസ്‌ലിയാര്‍ അധ്യക്ഷനായി. സമസ്ത ജനറല്‍ സെക്രട്ടറി പ്രഫ. കെ. ആലിക്കുട്ടി മുസ്‌ലിയാര്‍, യു.എം അബ്ദുല്‍ റഹിമാന്‍ മുസ്‌ലിയാര്‍, ത്വാഖ അഹ്മദ് അല്‍ അസ്ഹരി, എം.എ ഖാസിം മുസ്‌ലിയാര്‍, ടി. കെ പൂക്കോയ തങ്ങള്‍ ചന്തേര, സയ്യിദ് സ്വഫ്‌വാന്‍ തങ്ങള്‍ ഏഴിമല, മുസ്തഫ അശ്‌റഫി കക്കുപ്പടി, മെട്രോ മുഹമ്മദ് ഹാജി, റഷീദ് ഫൈസി ആറങ്ങാടി, താജുദ്ധീന്‍ ദാരിമി പടന്ന, ബഷീര്‍ വെള്ളിക്കോത്ത്, എം. മൊയ്തു മൗലവി, സി.കെ.കെ മാണിയൂര്‍, ചെര്‍ക്കളം അഹ്മദ് മുസ്‌ലിയാര്‍, അബ്ദുല്‍ അസീസ് അശ്‌റഫി പാണത്തൂര്‍, അബ്ദുല്‍ റഹിമാന്‍ മാസ്റ്റര്‍ കുന്നുംകൈ തുടങ്ങിയവര്‍ സംബന്ധിച്ചു.