വണ്ണപ്പുറം: ടൗണ്‍ ജുമാ മസ്ജിദില്‍ നടന്നുവരുന്ന മജ്‌ലിസുന്നൂറിന്റെ ഒന്നാം വാര്‍ഷിക പരിപാടിക്ക് ഇന്ന് തുടക്കമാകും. സുബ്ഹി നിസ്‌ക്കാരാനന്തരം ജമാഅത്ത് പ്രസിഡന്റ് കക്കാട് പരീത് ഹാജി പതാക ഉയര്‍ത്തും. വൈകിട്ട് നാലിന് യൂത്ത് മീറ്റ് നടക്കും. മഗ്‌രിബ് നിസ്‌ക്കാരാനന്തരം മഹല്ല് ഖബര്‍ സ്ഥാനില്‍ കൂട്ടസിയാറത്ത് നടക്കും. തുടര്‍ന്ന് ശിഹാബ് തങ്ങള്‍ നഗറില്‍ നടക്കുന്ന മതപ്രഭാഷണ സദസ് മജ്‌ലിസുന്നൂര്‍ ജില്ലാ കോ ഓഡിനേറ്റര്‍ ഹനീഫ് കാശിഫി ഉദ്ഘാടനം ചെയ്യും. യഹ്‌യാ ബാഖവി കണ്ണൂര്‍ മുഖ്യപ്രഭാഷണം നടത്തും.
നാളെ രാവിലെ ഏഴിന് വണ്ണപ്പുറം നൂറുല്‍ ഇസ്ലാം സംഘത്തിന്റെ ബുര്‍ദ ആലാപനം നടക്കും.  തുടര്‍ന്ന് നടക്കുന്ന സമ്മേളനത്തില്‍ ശിഹാബുദ്ദീന്‍ വാഫി ആമുഖ പ്രഭാഷണവും  എം.എം. ബാവ മൗലവി ആലുവ മുഖ്യപ്രഭാഷണവും നിര്‍വഹിക്കും. ചൊവ്വാഴ്ച വൈകിട്ട് 6.30 ന് മജ്‌ലിസുന്നൂര്‍ വാര്‍ഷിക സദസ്സും ദുആ മജ്‌ലിസും നടക്കും. ചീഫ് ഇമാം മുഹമ്മദ് സ്വാലിഹ് അന്‍വരി ഉദ്‌ബോധനം നടത്തും.
 സെയ്യിദ് ഇമ്പച്ചിക്കോയ തങ്ങള്‍ മണ്ണാര്‍ക്കാട് ദുആയ്ക്ക് നേതൃത്വം നല്‍കും. കെ.ഇ. മുഹമ്മദ് മുസ്‌ലിയാര്‍, അബ്ദുല്‍ കബീര്‍ റഷാദി, ഷാജഹാന്‍ മൗലവി, അബ്ദുറഹ്മാന്‍ സഅ്ദി, ഹനീഫ് തൊമരശേരി, ഷമീര്‍ ചക്കാലയ്ക്കല്‍ പ്രസംഗിക്കും.