വഡോദര: മുതലയുടെ വായില്‍ നിന്ന് 14 കാരന്‍ രക്ഷപ്പെട്ടത് തലനാരിഴക്ക്. സബര്‍കന്ദ ജില്ലയിലെ ഗുണഭഖാരി ഗ്രാമത്തിലെ നദിയില്‍ കുളിക്കാനിറങ്ങിയ സന്ദീപ് കമലേഷ് പാര്‍മറാണ് മുതലയുടെ വായില്‍ നിന്ന് കഷ്ടിച്ച് രക്ഷപ്പെട്ടത്. തന്റെ സുഹൃത്തിനൊപ്പം പുഴയില്‍ കുളിക്കാനിറങ്ങിയപ്പോഴാണ് സന്ദീപിന്റെ വലതുകാലില്‍ മുതല പിടിച്ചത്. രക്ഷക്കായി കുട്ടി അലറി വിളിച്ചതോടെ സുഹൃത്ത് വലിയ കല്ലുകളെടുത്ത് എറിഞ്ഞാണ് മുതലയെ തുരത്തിയത്. ശബ്ദം കേട്ട് ഓടിയെത്തിയ നാട്ടുകാര്‍ ആംബുലന്‍സ് വിളിച്ച് സന്ദീപിനെ ഉടന്‍ തന്നെ ആശുപത്രിയില്‍ എത്തിക്കുകയായിരുന്നു.